Eingang - Hof

Steins Hof - Burgstraße 10 - 29556 Suderburg

Beginn
Konditionen
Lage
Besonderheiten
Hobbys
Impressum

Us Heuner leegt keen Eier...

Eine kleine plattdeutsche Geschichte von L. Henrichs

Kum han we usen Kohl anplant, do harn ook de Kenickel un de Hosen de Planten ar wedder afffreten. So güng dat nu ar een poor Johr, mol ist´n betten beter wän - mol harn se allens
opfreten, mannigmol bit up dan´n Strunk hen. Een Veddeltstund Fautweg weer us Goorn von uns Hus weg un do kannst jo ook nich jümme en Oog op de Planten häm´. Us Tuun an´n Goorn wir je ook nich mehr de beste. Öberall wirrn Löcker in un de Kenickel harrn frien Ingang. Wat schött´t
wi do blos moken, sä mien Mudder, ick weet nich, ick weet nich.
Düt Johr is dat ja woll ganz dull mit de Hosen un tofoten kriegt wi de ook nich. Also wör nu wedder de ole Tuun trechtmokt mit Sackband un Droht de Löcker vetünt un allns wedder fastbund´n.
En tietlang günn dat dan ook wedder ganz gaut. Abe in dan olen Tun wär´n jümme nege Löcker in.
Nu harr´n wi in usen Goorn en gebrechliche un windschäbe ole Lööv. De Dör günn kum tau un anne Siet wirn de Brää vefult. Wenn´t mol rängt hett, weer dat ganz gaut taun ünnerkrupen, dat´n nich nat ward. In düssen olen Schuppen wi dat Goorngeschirr in, de Schüffel, Hacken, Forken un watt´n so alln´s brukt fer de Arbeit. En smole Bank taun sik hensetten wir do, un`n lüdden Disch taun Kaffedrinken.
Ünne de Bank stünn een olen Wiechelkorf, bet´n lütschet Geschirr, en poor ole Messt, dat Band fert afsteiken för de Beeten un watt´n sünst noch so alln´s hätt un brukt tau´n ackern.
Wie dat nu so wär, sägt min Muder to mi: “Morn good wie in´n Gorn taun umgraven, kannst mi´n betten helpen dorbi”.
So günn dat denn ook los. Wi kommt an usen Goorn an un wat is tau sein, Heuner, alles vull Heuner in usen Gorn. Sau sägt min Mudder, jetzt weet ick ook, wer hier dan´n Kohl aff fritt, dat sünd nich de Kenickel, dat sünd Meyers Heuner. Mit Meyers Emma will ik mik obe nich strien, obe ick glöv, ick nut ehr dat nu doch mol in´n Gauden säng´n, dat dat sau nich geit. Hol du man noch´n betten Band utte Lööv, du weest jo, bi dann´n Wiechelkorf find´st dat, dann kanns´t noch betten wot an´n Tun moken. Ick treck nu dan´n Korf ünnere Bank för un wat sei ick, witte Eier, een ganz Nest vull Heunereier.
Nu kumm mol her, häf ich raupen un groode Ogen mokt häft wi obe nu doch. Jo, sägt min Mudder, dat is woll fer dat Kohl afffreten, abe de Eier de mähm´t wi mit no Hus, sotoseggen als Entgeld. Hüt Obend gift dat mol Rührei, saufähl als du eeten kannst. Jo, nängteinhundertfifunfirdig wär dat wat ganz Gaudet - wi har´n ja kum wat tau eeten.
An annern Dach günnen we wedder non´n Gorn un an´n Tun stünn Meyer Mudder, und klogt un jammert öbe ehr´n Gorn, öber´t Weer un öbe ehre Heuner. Ick kann gornich begriepen, dat use Heuner dütt Johr so slecht Eier leegt - ick kann dat eenfach nich vestahn.
Wi hebt uns dat anhört un ook nur mit dan´n Kopp schüttelt. Sägt häv wi nix dortau. No´n poor
Dog sägt min Mudder: Loop mol rasch na´n Gorn un hol mol poor Wöddeln, ick will hüt taun Middach mal Lepelput (Eintopf) koken. Ich saus denn ok los, riet de Wödeeln flink ut de Eer un denk, kiek man noch mol inne Lööv in. Do sitt´t doch dor twei von Meyers Heuner, alwedder eng an eng in dan´n Wichelkorf. Oh denk´ ick, dat loppt jo gaud, denn gift dat jo bald wedder Rührei
bi us. Obe ick will de Heuner mol betten helpen - dat eene Lock in´n Tun is je meist´n betten lütt
un kum tau seen fer dat Veih, dat mook ick mol en betten grötter, dan könnt se ook beter ehr Nest finnen. Sau häf ick dann noch en poor Löcker mehr in dan Tun mookt, dat de Heuner sik nich so plogen mött´t.
Als ick no Hus kom mit mine Wöddeln, sä min Mudder: "Wo bist denn sau lang´ wän? Ick bruk doch dat Greuntüg fer hüt Middach." Jo sä ik, hör tau, ick häf noch´n poor Löcker mehr in dan´ Goorntuun makt, datt´t övemorn wedder Rührei gift. Min Mudder käk mik an un sächt dann in´t Umdreien wat von: Na ja, sau is dat jo ook nich so ganz richtig abe wat recht is, mutt ook recht blieven. Sau günn dat dann noch ´n poor Weeken mit de Heuner un de Eier.
Inn´n Harfst drept wi wedder Meyers Mudder in ern Goorn un ick hör noch, wis jammert hät,
dat dütt Johr ook mit ehre Planten nich so recht wat word´n is. Do sächt min Mudder tau ehr,
pass mol up Meyers Mudder, ick häf an´n Husgoorn noch tein Regen Greunkohl, kannst ´n
masse afkriegn, ick brin´g dick da´n hüt noch hen.
Ja, nu is alln´s wedder inne Reeg, häf ick dacht un de Gerechtigkeit is jo ok wedder herstellt.

 

Steins-Hof, Familie Henrichs,
Burgstraße 10

29556 Suderburg

Stand: 17.04.2017

Telefon:

05826 -

387

Telefax:

05826 -

880040

e-mail:    info@steins-hof.de
Internet:
www.steins-hof.de

[Beginn] [Konditionen] [Lage] [Besonderheiten] [Hobbys] [Impressum]