Eingang - Hof

Steins Hof - Burgstraße 10 - 29556 Suderburg

Beginn
Konditionen
Lage
Besonderheiten
Hobbys
Impressum

De Sünnobendvörmiddag - Hilfe im Haushalt, aber wie ?

Eine plattdeutsche Geschichte von L. Henrichs

Nu is Sünnabendvörmiddach, in´n Hushalt gift dat väl tau daun, besonners inne Köök.
Do ward brotn un brutzelt, kokt un backt. De Husfru loppt dat all´s flink vonne Hann´n. Middenmang kann se ook noch ehr Wöhnung putzen, denn de Beseuk hätt sik all lang ansächt fer hüt.
An sün´n Dag denkt nu de Husherr ook mol doran, tau helpen. "Wat schall ick denn nun daun" frogt hei. Ver lauter Getöse von de elektrischen Maschin, kann he gor nich so recht höörn , wat sien Fru nu sächt hätt. All de Gerätschaften sünd, wie man hüte so sächt ON LINE, do is de Mixmaschin, de Waschmaschin, de Hulbessen, de Afluftsauge vonne Köök un dat Rodio duselt in´n Hinnegrund; all düsse Gerät mutt´n hüt häm in´n modernen Hushalt. Abe grad düsse Dinge schalln jo de Erleichterung bi de Arbeit wän. Somit kann eenen dat jo schlecht vestohn, worum nu de Hosfru mitten fürroden Kopp rünlöpt, dat ook all´ns inne Reeg kümmt. " Wat schall ick denn nu moken", frogt he nu nochmol. Nu hät se dat hört un har ook glieks ein poor Opgaben för em.
Go Du man liegers in´n Keller un bring en poor Kotüffel mit rup, un ook glieks wat föör´n
Nodisch, un denk an Beer, Beer heft we ook nich mehn boben, bring´gau en poor Buddels
mit rup. Und fer dan´n Beseuk muß´t noch twee Buddels Wien mitbring´n, du weest je, de mit
dan´n greunen Opklebe, obe beil dick´n betten", de Hund mut ook noch rut vernt Eeten. Denk
ook an dat Hofflicht, do is woll de Beer keputt, de kannst jo ook noch fix uttuschen. Nu wüss he Bescheed.
Eegentlich har he sick dat an sün´n Sünnobendvermiddach anners dacht, he woll jo ook dat Auto taun Waschen brin´n. Nu wör Updrach ver Updrach afhogt. Just har he ook mal wedder een´n vegeeten, denn sau groode un kommplizierte Updräg könn he gor nich sau recht vekraft´n - bi siene Arbeit wär he jo de, de de Updräg vedeelt dä ... Een Stunn is nu rum un he glöv nu, dat he
alls erledigt har un frogt ganz lies: "Wann geft denn wat tau eeten hüt Middach"? Abe de ganzen Hushaltsmaschin wirrn noch ant´n Loopen, sien Frog wör gornich höört. Nu, so dach he sik, dat passt gaud, vern Middach kannst noch gau mol in´t Tidenblatt kieken, un `n Buddel Beer vernt Eeten is ja ook nich sau ungesund - jo so hätt he sick dat so dacht, set´t sick inne Stuv un lägt de Been hoch.
Nu kummt von´t Flett her dat Susen un Brusen von dan´n Hulbessen. Als sien Fru em nu tau Gesicht kricht, froogt se em ganz spitz: " Häs´t de Stroot ook fäägt ode schall ick dat ook noch moken"? Een richtig Antwort kann he gor nich gäb´n denn nu, nu bimmelt de Klönkasten opp´n Schriéfdisch un schwupp har sin Fru ar dann Hörer an´n Kopp.
Wot von´n Sünnobendvermiddach, har doch alln´s so gaud anfung´n mit düssen Doog, de Kaffee wär hit, de Rundstücken kross, de Sünn de schien - alln´s weir in Lot - bäter jedoch, so denkt he sik, wär woll, wenn´e inne Arbeit bi de Firma bist, do geit dat nich so dull tau...

         Wer woll em obe an een Sünnobend beschäftigen?  

                

Steins-Hof, Familie Henrichs,
Burgstraße 10

29556 Suderburg

Stand: 17.04.2017

Telefon:

05826 -

387

Telefax:

05826 -

880040

e-mail:    info@steins-hof.de
Internet:
www.steins-hof.de

[Beginn] [Konditionen] [Lage] [Besonderheiten] [Hobbys] [Impressum]